Isa 52 | ZomZIV | STEP | Khanglo in, khanglo in, Zion aw, thahatna puanin silh in. Khuapi siangtho Jerusalem aw, na thupina puan silh in. Na sungah vunat lohte le a kihhuaite lut kik lo ding uh hi.

adRo 15:21*

Isaiah 52

1 Khanglo in, khanglo in, Zion aw,
thahatna puanin silh in. ^a
Khuapi siangtho Jerusalem aw,
na thupina puan silh in. ^b
Na sungah vunat lohte le
a kihhuaite lut kik lo ding uh hi.
2 Na leivuite singkhia in; ^c
Jerusalem aw, tho inla kumpi tokhom ah tu in.
Saltang Zion Tanu aw,
na ngawnga khainiangte panin kisuahtak in. ^d

3 Ahang in, TOPA in:

“Note bangmah loin hong kizuaka,
sum loin hong kitankhia ding hi,” a ci hi. ^e

4 Ahang in, Thupipen TOPA gen hih ahi hi:

“A masa in ka mite a nungta dingin Egypt ah paisuk uh hi; ^f
a nunung lamah Assyria in amaute a nengniam hi.

5 “Tu-in hih lai-ah bang nei ka hi hiam?” TOPA in cikhia hi.

“Ka mite bangmah loin ka paipihmang a,
amaute a ukte in simmawh uh hi,” ^{▼▼52.5 Si Tuipi Laizial le Vulgate; Masoretic Bupi ah kap cihtakin kap}

TOPA in cikhia hi.
“Ni thapai-in
ka min kigendai den hi. ^h
6 Tua ahi ciangin ka mite in ka min a thei ding uh hi; ⁱ
tua ahi ciangin a genkholpa kei ka hilam
amaute in a thei ding uh hi. ^j
Hihi, tua in keimah ka hi hi,” a ci hi.
7 Mual liante tunga thupha a puakte,
lemna a va tangkote, ^k
thuthak hoih a va puakte,
hotkhiatna va tangko a,
Zion tungah,
“Na Pasian kumpi in mang hi,” ^l
a va cite khe melhoih na lawmlawm e!
8 Ngai un! Na galvilte un a aw uh sangsakin; ^m
lungnopna aw a tangko khawm uh hi.
Zion ah TOPA a ciah kik ciangin ⁿ
amau mit mahmah un tua a mu ding uh hi.
9 TOPA in mite hehnem khin a, ^o
Jerusalem tankhia khin ahi manin,
nang a kisiasa Jerusalem aw,
lungnopna late sakhia khawm un. ^p
10 TOPA in minamte khempeuh muhin ^q
a khut siangtho zankhia dinga, ^r
leimongte khempeuh in eite Pasian hotkhiatna
a mu ding uh hi. ^s
11 Kihem un, kihem un , tua lai panin paikhia un! ^t
A sianglo na lawng kei un!
No TOPA’ beel le kuang puate aw,
tua panin paikhia unla kisiangthosak un. ^u
12 Ahi hangin note mai-ah TOPA pai-in ^v
Israel-te Pasian note nung dal ahi manin ^w
note nawhsa-in na dingkhia kei ding uh a,
lauthawng sa-in na pai kei ding uh hi.

Nasempa Thuakna le Minthanna

13 En un, ka nasempa in pilvang takin ^{▼▼52.13 Ahikeh daupai ding} a sem ding hi; ^y
amah kisangsakin kilaamto dinga sangtakin a kitawisang ding hi.
14 Ama ^{▼▼52.14 Hebrew in nang} hangin mi tampi a lauthawng bang tektekin -
mi zong sun nawn loin amel kisiagawp a, ^aa
mihing zong bang loin a pianzia a kisiazaw lai hi -
15 tua ahi ciangin minam tampite ^{▼▼52.15 Hebrew; Septuagint tua ciangin minam tampite in amah lamdang a sa ding uh hi.} siangsak dinga ^ac
ama hangin kumpite pau loin a om ding uh hi.
Ahang in, amaute in a kigenkhol lo nate mu ding uh a,
a zak kholh loh uh thute a tel ding uh hi. ^ad